بدر : ليه كده يا زهره
ليه بتكسري ثقتي فيكي وفي كلامك
زهره : بدر اسمعني والله هفهمك
بدر : انا مش عايز أسمع منك حاجة
من ساعة مااتجوزنا وانا بسمع وانتي بتقولي ،
من ساعة مااتجوزنا وانا شايلك علي دماغي وبعاملك زي العصافير عشان مجرحش شعورك بأي شكل فوق ما الدنيا جاية عليكي
مديكي حريتك كامله وبوافقك في الكبيرة والصغيرة وشغلي الشاغل طول الوقت ازاي اخليكي مبسوطة.
مكنتش عايز اي مقابل لكل ده غير إنك تحترميني وتحترمي كلامي .
بس ولما اقولك مش حابب ده تقدري كلامي وخوفي عليكي
لما روحت البيت بعد الوقت ده كله وملقتكيش كنت جاي في الطريق علي هنا بدعي ربنا وبقول يارب متطلعيش هناك يا زهره ،
يارب متكونيش كسرتي كلامي وكدبتي عليا وخونتي ثقتي في وعدك ليا وجيتي تاني لأكتر واحدة اذتك في حياتك
وللأسف ربنا مستاجبش المرة دي واللي خوفت منه حص
زهره : يابدر انا والله كن ..
بدر : قولتلك مش عايز اسمع منك ولا كلمة ..
من هنا ورايح خدي راحتك تماماً واعتبريني مش موجود خالص
اللي عايزة تعمليه اعمليه والطريق اللي عايزه تمشيه براحتك
وانا هبقي في حياتك مجرد ضيف لحد ما ال٦ شهور دول يعدوا
زهره بتقرب عليه : لا يابدر ايه اللي بتقوله ده استني بس
بدر بيرجع لورا : انا ماشي
زهره : طب استني انا جاية معاك
بدر : متجيش عشان مش هتركبي العربية معايا ،
وزي ما جيتي لوحدك روحي لوحدك
سابها ونزل علي تحت دور العربية ومشي ..
زهره نزلت ركبت تاكسي وراحت وراه على طول
**في بيت ام بدر**
هند قاعده ع الأرض بتعيط
تفتكر كلمة فريد (إنه خطب) وتعيط اكتر
هند: لا يافريد انت ليا انا ومش هتكون لغيري
مش بعد السنين دي كلهااا هضيعك بغبائي ..
حتى لو حكمت إني اغير 100٪ من شخصيتي هعمل كدا المهم ترجع تحبني تاني زي الأول وتكون ليا في الآخر
معرفة التفاصيل اضغط على الرقم3 في السطر التالي
