قصة الفتاة الجميلة والمستذئب الوسيم “الجزء الثالث”

مكنتش عارفه مين الى بيعمل الصوت ده، حيوان او ذئب لكن كنت متأكده انى لازم اجرى واستخبى جوه الكهف
الصوت ده كان ماشى ورايا بين الأشجار وكأنه بيدفعنى ناحيت الكهف

وصلت الكهف بسرعه وعاينت المكان مشفتش حاجه، لكن السمكه اتاكلت للأسف ، خلعت هدومى ونشرتها حتى تجف، ولفيت نفسى بغطاء خفيف رائحته عفنه

قعدت ادندن مع نفسى وانا بتابع الدرب الجبلى الموصل للكهف عشان اتأكد أن مفيش حد بيراقبنى

الطريق كان خالى، حمدت ربنا وقلت فى نفسى هستطلع الكهف من جوه، مشيت داخل الكهف إلى كان ممتد داخل خصر الجبل..

الكهف راح يضيق جدا بعد كده وسع تانى ومكنتش مصدقه نفسى لما شفت فى مؤخرة الكهف، كتب كتيره مرصوصه جنب الحيطه

ولقيت كمان قهوه وشاى وموقد فخار وخزين أطعمه وبطانيه جديده

رغم سعادتى بقيت خايفه جدا، معنى كده ان الكهف فيه حد عايش فيه، اكيد ذئب ضخم وانا بغبائى تعديت على ملكيته
لكن رؤية الكتب نسيتتى كل حاجه..

خدت روايه لجين اوستن وخرجت عند مدخل الكهف اتسلى بيها

قعدت اقراء من بعيد لمحت راجل عجوز طالع الدرب ناحيت الكهف

فى ايده عصايه وعمال يسعل انا قلت هيموت قبل ما يوصل الكهف

وقفت ابص عليه واسأل نفسى دا عايز ايه بس يا ربى؟

وايه إلى جابه هنا، ممكن الذئاب تأكله بسهوله

وصرخت انتى غبيه جدا يا بيرى، انتى لازم تلاقى حاجه تدافعى بيها عن نفسك وعن الكهف..

جريت على مؤخرة الكهف ولقيت هناك حربه حديديه مسننه جبتها ورجعت وقفت على مدخل الكهف انتظر الشخص الغريب ده.

ايمير

للمتابعة اضغط على الرقم 5 في السطر التالي 👇

الصفحة السابقة 1 2 3 4 5الصفحة التالية